ஒரு நிமிடக்கதை - 2

makale,

here is my second kathai..


இன்றோடு வக்கீல் ஆபீஸ் க்கு வருவது இது 42 வது முறை. சொத்து தகராறு தான். போன கிழவன் உயில் தெளிவா எழுதிட்டு போய் இருந்தா இம்புட்டு அலைச்சலும் மிச்சம் - மனதிற்குள் நொந்து கொண்டான். சொத்தோட மதிப்பு கொஞ்சமா நஞ்சமா போய் தொலையுது கழுதைனு விட்டுட்டு போறதுக்கு, முழுசா 25 லட்சத்தை தொடும் இன்றைக்கு நிலவரப்படி. ஊருக்குள்ள ராமன் லக்ஷ்மன் கணக்கா இவனும் இவன் தம்பி காரனும், இப்போ யார் ராமன் யார் லக்ஷ்மன் னு அடிச்சிக்கிற நிலைமை. இரட்டை பொறப்பு. உயில்ல பெரியவனுக்கு வீடுனு எழுதி இருக்கு, எவன் பெரியவன்னு பிரசவ நர்ஸ்க்கு தான் வெளிச்சம். கோர்ட், கேஸ், வக்கீல், வாய்தா, ஜட்ஜ் னு இதோ கண்ணு மூடி கண்ணு தொறக்கறதுக்குள்ள 4 வருஷம் ஒடிப்போச்சு. வக்கீல் அய்யா, இந்த தவணையோட நீங்க கேட்ட தொகை முடியுது. எப்படியாவது வீடு என் பக்கம் தீர்ப்பு ஆகிறா மாதிரி செஞ்சுடுங்க. உங்கள தான் கடவுள் மாதிரி நம்பி இருக்கேன், தம்பியின் கேஸை நடத்தும் வக்கீல் தர்மராஜின் ஆபீஸ் விட்டு வெளியே வந்தான் அண்ணன்.